龜縮三年，估唔到今年書展又會出書。不過香港正值大是大非，其實都唔知應該唔去宣傳呢本書。但同意同業們所講，如果大家最近都忙住發夢諗嘢，唔使一定要嚟書展買書，有機會嘅，書局又好、二手書店又好、就算漂書地攤都好，你哋有緣見到「孫悟空」呢本書，都算係一個緣份，我非常感激大家。
如果會去書展嘅朋友，可以去到圖上面呢個地步：
書展1A-E23 藝文青 明天開始
買我呢本用最短時間寫好嘅第六本著作，我聽日下晝會先到會場簽好書，希望大家可以有緣相見。
好多人問我呢本書講咩，其實好簡單：
一個人，因為一個信念，用盡千方百計，都要完成一件事。最後所有人都覺得佢係癲，但到佢癲嘅一刻，佢都仲知道自己想做嘅係咩事。
佢叫黃賽克，每一次化妝成為孫悟空，都一定會滿城風雨。
特別多謝小野，多謝tbc一班同事，多謝藝文青素未謀面嘅幫忙同支持。
多謝香港人。
Search